منتديـآتْ كويتيات وسعوديات

اههلآ وسههلأإ
بگيَ اختيَ الژائرههُ ڤي منتديـآت گويتيآتْ وسعودياتَ نتمى لگَ اچملْ الاوقاتً معنآ لا تڤوتْ الڤرصههَ انْ گُنتيَ ]زائرههِ] وسچليَ لتستمتعيَ معآنأإ[size=25] …
[/size]
~ مع تحيآتْ {ادآرة المنتدى


آهلآ وسهلآ فيكم في منتديات كويتيات وسعوديات
 
الرئيسيةالبوابةالتسجيلدخول

شاطر | 
 

 جميع الطبخات الكويتيه وطريقة اعدادها بالصور مع المقادير من مجموعه المطبخ الكويتي‏

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ڪۉيٿيهـِ عشَقَـﮯ سُعۉڍيهـ
الاداره
الاداره


عدد المساهمات : 37
نقاط : 60
التقيم : 1
تاريخ التسجيل : 09/02/2012
العمر : 21
الموقع : الكـًـًـًـَـًـًـًـًـًـًـًـًـًـويـٍـٍـٍـٍـٍـٍـٍـٍـٍـٍـتتْـْ

مُساهمةموضوع: جميع الطبخات الكويتيه وطريقة اعدادها بالصور مع المقادير من مجموعه المطبخ الكويتي‏   الجمعة مارس 02, 2012 7:51 pm

مجبوس فقع بالصور حتى الشباب يقدرون يسوونه


وطبق اليوم حتى الشباب يقدرون ايسوونه في رحلاتهم الشبابية

اول شي انقع الفقع في الماي علشان يصفى من الرمل





غسلوه ونظفوه
[b][b]حمروا البصل
[/b][/b]



وضيفوا فوقه الفقع وحركوه



ضيفوا عليه الطماط المفروم والفلفل الاخضر الحار وحركوه



ضيفوا عليه البهارات والملح

[b][b]اخر شي الكزبرة المفرومة


بعدين الماي وخلوه لين يغلي حطوا عليه العيش المغسول[/b]
[/b]



يوم يبدا الماي ينشف وطوا النار


غطوه بالقصدير وخلوه على نار هادية وحطوا حديدة تحت الجدر وخلوه يكمل سوا على راحته








يوم يستوى نجبوه وبالعافية كلوه







تكه سمج ....





كان عندي شوي سمج فيليه وحبيت اسوي فيه حركه... الهامور غالبا يكون سميك قطعته صغار عشان يستوي اسرع وحطيت فلفل ملون على الاجناب ( اخذتلي جم حبه من السلطه... تقدرون تضيفون بصل مع فلفل اخضر بالتناوب بس ما كان لي خلق )... هالتتبيله كنت استخدمها بالربيان بس زدتها بابريكا و كمون
المقادير :
م ك كزبره ناعمه
1 م ك بهار ماجيك مال الفاهيتا او اي نوع بهار سمج متوفر
2 م ك بصل مفروم ناعم حيل
1/4 كوب زيت كانولا وتقدرون تستخدمون زيت زيتون
1/4 كوب عصير ليمون
1 م ص ثوم بودر
1 م ك ريحان مجفف او أي اعشاب مجففه تحبونها مع السمج
2/1 م ك اوريجانو مجفف
4/1 م ص فلفل احمر حار
4/1 م ص فلفل اسود
1 م ص بابريكا
رشه كركم بس عشان اللون 2 م ص كمون
1/2 م ص زنجبيل 1 م ك ملح او حسب الذوق
رز اسمر مسلوق
فلفل ملون مكعبات
بصل اخضر مفروم
عصره عصير ليمون للرز
الطريقه:
نخفف سمك السمج ونقصصها مكعبات صغار ... نتبلها بالزنجبيل ونتركها شوي عشان تشيل الزفر
نخلط البهارات مع الملح وعصير الليمون والبصل المفروم والاعشاب المجففه والزيت ونتبل فيهم السمج ونخليه فتره وبعدين نشكه باعواد الخشب ونحط بالاطراف فلفل ملون ونشويه على حراره متوسطه لين يستوي
نسلق العيش الاسمر بالطريقه المكتوبه بالجيس وقبل التقديم نرش عليها شوي عصير ليمون وبصل اخضر=

سمج فيلية



هالوصفه سهله جدا جدا جدا وما فيها دهن زايد.... الاوريغانو اللي استخدمته فرش .. كل كميات المقادير حسب الرغبه .. كنت بضيف له صلصه سمج وهي بديل عن الصويا بس للاسف كانت مخلصه ... تقدرون تكثفون الصلصه المتكونه من عصاره الطماط والسمج والبصل عن طريق تسخينها على النار واضافه شوي طحين بس بالنسبه لي اذا باكل طحين ابيه يكون خبز ههههه
روحو مركز سلطان اخذو الطماط اللي يكون عثق كامل شكله بالتقديم يكون نايس .. السمج المستخدم هامور تقدرون تستخدمون معاه اي نوع فيليه سمج
البخاخ اللي استخدمه زيرو كالوري وبزيت الزيتون وهم تحصلونه بمركز سلطان

المقادير:

صلصه ثوم ( تلقونها بعلب نفس الصويا صوص واذا مو موجوده استخدمو ثوم مهروس )
اوريغانو مفروم
عصير ليمون
ملح وفلفل اسود
بهارات سمج ( استخدمت ماركه ماجيك )
وبابريكا
زيت زيتون
بصل مفروم او مقطع حسب الرغبه
طماط
سمج فيليه
الطريقه :
نغسل السمج بالطريقه المعتاده ونرشه بالبهار والبابريكا وعصير الليمون والملح
نخلط الثوم مع الاوريغانو والفلفل الاسود والزيت
نتبل السمج والباجي على الطماط
نفرش البصل المفروم بصينيه الفرن ونحط فوقه السمج والطماط وندلخهم فرن حار لين يستوون وبالف عافيه


عيش محمر بالزعفران ...


هالوصفه اللذيذه من وصفات التراث الكويتي ... عاده تنوكل مع مرق مطفي او ميد مشوي... وصفات المحمر اللي اعرفها نوعين .. محمر بالدبس ومحمر بالشكر ... وحتى وصفات محمر الشكر تنقسم نوعين نوع يحرقون او يكرملون الشكر بالاول وبعدين يزدونه ماي ويجبسون العيش عليه هالطريقه ما تحتاج زعفران ولون العيش يكون محومر شوي ( تقريبا نفس لون الحكوكه اللي بالصوره ) .. او هالوصفه اللي ينحط معاها شكر بعد سلاق العيش نص سوا ... الحكوكه بتكون لذيييييذه عشان جذي احب اقدمها مع العيش
مقدار الشكر بالعيش حسب الرغبه انا عاده احط على كل جيله كوب وبعدين ازيده نص.... احب المحمر تكون حلاته زايده ... وهالشي يرجع حق ذوقكم واول وتالي
ادري هالوصفه مو وقتها لانها عاده تنوكل بالشتا بس بناء على طلب ياني بالايميل من اخوي بوناصر وقلت دام الصور موجوده حبيت انزلها للكل :>
طريقه الميد موجوده بالبلوق
المقادير:
جيله عيش ( قوطي الاناناس)
تقريبا كوب ونص شكر
زعفران وهيل ناعم حسب الرغبه
قفشتين كبار ماي ورد
3 -4 حبات صغار زبده
الطريقة:
نسلق العيش بماي خالي نص سوا
نخلط الزعفران بماي دافي ليما يحل لونه وبعدين نضيف له الهيل الناعم وماي الورد
ناخذ حبتين زبده ونحطها بقاع الجدر ونحط فوقها شوي من خلطه الزعفران وشويه شكر بحدود ربع كوب ونحط فوقه العيش بعد ما نشخله وهو حار وبعدين الشكر والزعفران بالويه ونتركه على نار هاديه لين يبخ عليه الجدر وبعدين نخولطه ونضيف باجي الشكر والزبده ونتركه يستوي كله وبالف عافيه
عيش شبنت مع لحم بطريقتي





من الوصفات اللذيذه .. نكهه العيش مع الشبنت وريحه اللحم مع الزعفران مغريه جدا...هالوصفه اخذتها وعدلت عليها بطريقتي وبتلاحظون في اختلاف بينها وبين الطريقه المتعارف عليها..طبعاتقدرون تضيفون باجلا خضرا معها اذا حبيتو
المقادير اللي بذكرها تقريبيهلان بصراحه لمااطبخ احط على النظر
المقادير:
لحم تقريبا كيلو
شبنت تقريبا شدتين او ثلاث على حسب حجم الشده
نص شده نعناع
شده كزبره
حبتين فلفل اخضر حار مفروم
ربع فلفل اخضر بارد مفروم
بصلتين كبار مقطعين ارباع
بصله كبيره مفروم
طماطتين كبار مقطعه ارباع
5 فصوص ثوم كامله
بهارات عدله : 3 مسمار + 2 لومي+ عودين دارسين+5 حبات فلفل اسود+ 6 هيل + قطعه زنجبيل ناشف +2 هيل حبشي اذا متوفر + ورقه غار
بهارات ناعمه : هيل ناعم ودارسين ناعم حسب الرغبه + قفشه صغيره كاري+ قفشه صغيره بهار + ربع قفشه صغيره فلفل اسود + نص قفشه صغيره بزار
مكعب ماجي لحم خروف
زعفران منقوع بماي ورد ونتفه هيل ناعم
بطاط مقطع حسب الرغبه
وملح
زيت او سمنه او خليط من الاثنين
جيلتين عيش مغسول ومنقوع
الطريقة:
نغسل اللحم ونفوره بماي 3-5 دقايق ونقط الماي عشان نتخلص من الزفره والريم اللي يطلع
نسلق اللحم مع البهارات العدله و ارباع الطماط والبصل والثوم ونتركه لين يقارب على النضج وبعدين نضيف الملح والماجي والبطاط ونتركهم لين يكمل اللحم سواه
نشخل المرق ونشيل اللحم ونرد عليه نص البهار الناعم والهيل والدارسين وماي الزعفران وندخله الفرن عشان يتحمر او تقدرون تقلونه مع البطاط
ناخذ البطاط ونقليه لين يتحمر( لانه بيكون نص سوا )
نحمس البصل ونضيف له البزار والكاري والبهار مع الهيل الناعم والفلفل الاسود ونضيف له انواع الفلفل والخضار ونخلصها عدل على النار لين يصوفر لونها
نزيد علبها ماي سلق اللحم ونتركه اولما يغلي نسقط عليه العيش ونتركه على نار عاليه لين ينشف الماي وبعدين نرش شويه دهن على الويه مع رشه هيل ناعم على الويه و نخليه على نار خفيفه لين يستوي عدل



ربيان محموس مع الشبنت ...






الوصفه حدها سهله وسريعه وهذي من الوصفات النادره اللي ماحط فيها طماط هههه..هالوصفه تعود حق عمتي وقمت اسويها لما اكون مستعيله او اذا مالي خلق اطبخ :>.. تقدرون تاكلونها مع خبز مسمسم حار او مع عيش وفرقاعه وخلو يمكم عصير ليمون ونعناع باااارد يا سلام
المقادير
======
ربيان مقشر
شبنت مفروم
فلفل اخضر شرايح
بصل مفروم
زنجبيل مفروم
كاري
ملح
فلفل اسود
ماجي اذا حبيتو
زيت
الطريقه
نخلي الربيان على النار لين ينزل ماي وينشف
نحمس البصل مع الزنجبيل ونضيف له الشبنت ونقلبهم قلبتين ونضيف الربيان والبهارات والفلفل الاخضر وشوي ماي ونتركهم لين يستوون وتبقى صلصله خفيفه وبالف عافيه




مجبوس دياي


هالمجبوس له مليون اسم اما مجبوس طماط او او مجبوس احمرانا ضفت له حشو مكسرات مع زرشك برايي تعطي طعم احلى... البهارات اللي استخدمتها ناعمه ومطحونه كلها من سمراء عدن
المقادير:
ديايه منظفه
طماط مهروس
بصل مفروم
ثوم مدقوق
فلفل اخضر حار ( للنكهه ومو ضروري )
بهارات المجبوس كامله ( كزبره و هيل و مسمار وهيل حبشي و بهار وفلفل اسود وورق غار ودارسين وزنجبيل )
ملح
بهارات ناعمه
بزار
ليمون اسود ناعم
هيل ناعم
معجون طماط
عيش مغسول ومنقوع بماي وملح لمده ربع ساعه
خليط من سمنه وزيت
صنوبر
لوز
زرشك
الطريقه:
نحمس البصل واذا ذبل نضيف له البهارات ونحمسهم لين تطلع ريحتهم
نضيف الهيل الناعم والبهار واللومي والدياي ونقلبها على النار مع البصل والبهار وبعدين نضيف الطماط والملح والماجي اذا حبيتو والفلفل ونخليها تطبخ لين تستوي ثلاث ارباع
نشيلها ونرش عليها بهار ناعم ودارسين ناعم ولومي وهيل وندخلها الفرن تتحمر
الحشو: نقلي المكسرات في البدايه ونشيلها على جنب
نغسل الزرشك وننقعه بماي دافي عشان يتفتح
نقلب البصل على النار من غير زيت مع رشات ماي لين يذبل وبعدين نضيف الزيت والهيل الناعم والدارسين والبهار مع المكسرات والزرشت واذا تحبون ضيفو ماي ورد يعطي ريحه حلوه وقلبوه قلبتين وبعدين قدموه مع المجبوس وبالف عافيه
=====================
مربين شبنت...





مربين مع شبنت.. طبعا التسميه من الادام نفسه اللي اهو الربيان.. كثير يسالوني شالفرق بين المربين ومجبوس الربيان؟ صراحه مادري تعودت من وانا صغيره كل عيش وربيان يصير مربين لوول ... هالوصفه تعود حق يدتي الله يطول بعمرها والطريقه الاصليه الشبنت يكون اكثر ومن غير مكعب ماجي الخضار...جربوا تخلطون مع الربيان سمج(( وعادة اخلطهم مع بعض )) رح يصير العيش مكس وطعمه و لا اروع...نزلت وصفات ثانيه لمربين الربيان الطري
مربين 1
و مربين 2
وعندي وصفه وحده على مربين ربيان ناشف مع الخضار
ابوي فديت التراب اللي يوطي عليه توه شاري سله ربيان شكبرها واغلب الربيان اللي فيها جمبو فتوقعوا مني خلال هالايام وصفات ربيان يديده :>
المقادير:
ربيان طري مقشر ومشيول منه الخيط الاسود
طماط مكعبات ( مو وايد بحدود 1 او 1 ونص)
بصل مفروم كبار
شبنت مفروم
ثوم عدل
ثوم مهروس
زنجبيل مهروس
لومي ناعم
هيل ناعم
كمون ناعم
زنجبيل ناعم
بزار
فلفل اسود ناعم
بهار حشو ( من سمراء عدن )
بهارات المجبوس بالاضافه الى هيل حبشي و ستارنيز وزنجبيل مجفف... اخذوهم من سمراء عدون تكون اوريدي مخلوطه فيهم
مكعب خلاصه الخضار
ماي ساخن
زيت نباتي
الطريقة:
البدايه ناخذ الربيان ونرش عليه كمون وزنجبيل بودر وجم فص ثوم صحيح و فلفل اسود ونخليه علىالنار لين ينزل مايه ويرد يشربه
نحمس البصل لين يتغير لونه ( واذا كنتو بتضيفون السمج حمسوه بالدهن المستخدم في قلي السمجه) ونضيف له البزار والكمون واللومي والبهار وبعدين نضيف له الربيان والشبنت ونحمسهم لين يتغير لون الشبنت ويغمق لونه
نضيف الطماط وبهارات المجبوس ومكعب خضار ماجي ونحركهم لين تطلع ريحه الحمسه... نضيف الماي الساخن واول ما يغلي نقط عليه العيش ونتركه يشرب مروقه نرش على الويه هيل ناعم وبعدين نوطي النار ونتركه لين يترسى العيش
اذا حبيتو تقدرون تضيفون زيت على ويه العيش وانا استغنيت عن هالخطوه
نجبوه وبالعافيه
=============================================
يتبع يتبع يتبع
الرجوع الى أعلى الصفحة اذهب الى الأسفل
http://kkkw8qksa11.alhamuntada.com
♥ αľм₣ľsзнα ♥



عدد المساهمات : 104
نقاط : 174
التقيم : 3
تاريخ التسجيل : 13/02/2012
العمر : 20
الموقع : جدآويةة

مُساهمةموضوع: رد: جميع الطبخات الكويتيه وطريقة اعدادها بالصور مع المقادير من مجموعه المطبخ الكويتي‏   السبت مارس 03, 2012 12:47 am

يَ ويييليَ
مششششههيَ مرةةَ
يَ لبيههَ مشششكورةة يَ بععددي

_________________









اححبكَ


الرجوع الى أعلى الصفحة اذهب الى الأسفل
سُعۉڍيهـ



عدد المساهمات : 67
نقاط : 93
التقيم : 3
تاريخ التسجيل : 02/03/2012
الموقع : بَ أرضي آإلغآإلييههَ يَ أللي مَ يسآإويهأأآ آي دآر (( سعوديهه ))

مُساهمةموضوع: رد: جميع الطبخات الكويتيه وطريقة اعدادها بالصور مع المقادير من مجموعه المطبخ الكويتي‏   السبت مارس 03, 2012 10:02 pm

يَ ووووووويل حححألي يشههِي



ممِششكورهه ككِوكتي دمتي لننآإ مديرتنآإ آإلفآإضلهـ

الرجوع الى أعلى الصفحة اذهب الى الأسفل
ڪۉيٿيهـِ عشَقَـﮯ سُعۉڍيهـ
الاداره
الاداره


عدد المساهمات : 37
نقاط : 60
التقيم : 1
تاريخ التسجيل : 09/02/2012
العمر : 21
الموقع : الكـًـًـًـَـًـًـًـًـًـًـًـًـًـويـٍـٍـٍـٍـٍـٍـٍـٍـٍـٍـتتْـْ

مُساهمةموضوع: رد: جميع الطبخات الكويتيه وطريقة اعدادها بالصور مع المقادير من مجموعه المطبخ الكويتي‏   الأحد مارس 04, 2012 1:34 am

منوريـــنن حباايب قلبي



الرجوع الى أعلى الصفحة اذهب الى الأسفل
http://kkkw8qksa11.alhamuntada.com
♥ αľм₣ľsзнα ♥



عدد المساهمات : 104
نقاط : 174
التقيم : 3
تاريخ التسجيل : 13/02/2012
العمر : 20
الموقع : جدآويةة

مُساهمةموضوع: رد: جميع الطبخات الكويتيه وطريقة اعدادها بالصور مع المقادير من مجموعه المطبخ الكويتي‏   الجمعة مارس 09, 2012 8:39 am


_________________









اححبكَ


الرجوع الى أعلى الصفحة اذهب الى الأسفل
 
جميع الطبخات الكويتيه وطريقة اعدادها بالصور مع المقادير من مجموعه المطبخ الكويتي‏
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديـآتْ كويتيات وسعوديات  :: ملتقى الطبخ :: مطبخ كويتيات و سعوديات-
انتقل الى: